SLIM 2026

/in ,

📅 8–11 de xuño de 2026 | 📍 Santiago de Compostela, España

É un pracer convidarte á 12ª edición do Shelf Life International Meeting (SLIM 2026), un espazo de intercambio académico e profesional que reunirá a expertos de todo o mundo no ámbito da vida útil e do envasado de alimentos.

Este evento representa unha excelente oportunidade para fortalecer redes de colaboración, presentar investigacións innovadoras e coñecer as tendencias máis recentes neste eido.

🔗 Consulta o noso vídeo promocional e prepárate para participar!

SLIM 8-11 DE JUNIO DE 2026

Próximamente compartirémos máis detalles sobre as inscricións e a axenda.

A nosa compañeira Patricia Vázquez Loureiro recibiu o Premio Extraordinario de Doutoramento do curso 2022/2023

/in , ,
A nosa compañeira Patricia Vázquez Loureiro recibiu o Premio Extraordinario de Doutoramento do curso 2022/2023 pola súa tese “Materials for food contact: contribution to the study of chemical safety”

8th International Symposium on Food Packaging (Dubrovnik, Croacia)

/in ,

A semana pasada, o grupo de investigación FoodChemPack da USC participou no 8th International Symposium on Food Packaging, celebrado do 1 ao 4 de abril en 📍Dubrovnik, Croacia.

Este congreso, organizado por ILSI Europe, é recoñecido internacionalmente como un foro científico que reúne investigadores, axencias reguladoras e industria para discutir e compartir os últimos avances no ámbito dos materiais en contacto con alimentos, seguridade química, sustentabilidade e tecnoloxías emerxentes.

👩🏻‍🔬 Ana Rodríguez Bernaldo de Quirós presentou o póster:
“Non-targeted LC-HRMS analysis and in vitro bioassays: An approach to evaluate the safety of food contact bioplastics”
Combináronse técnicas analíticas non dirixidas con bioensaios celulares para avaliar bioplásticos de uso alimentario, detectándose oligómeros e efectos adversos como citotoxicidade, estrés oxidativo e actividade estroxénica.

👩🏻‍🔬 Letricia Barbosa Pereira presentou o póster:
“Preliminary study employing a semi-dynamic in vitro digestion protocol to evaluate the bioaccessibility of contaminants in canned food”
Avaliouse a bioaccesibilidade de BADGE en atún enlatado en aceite de oliva. Os resultados mostraron que o uso de protocolos dinámicos proporciona unha estimación máis precisa da exposición.

👩🏻‍🔬 Antía Lestido Cardama presentou a comunicación oral:
“LC-Orbitrap-MS/MS and GC-Orbitrap-MS: powerful analytical tools to explore the chemical composition of PEF food packaging materials”
Identificáronse tentativamente compostos non volátiles e semi-volátiles presentes en materiais de PEF mediante espectrometría de masas de alta resolución.

👩🏻‍🔬 Lara Pazos Soto presentou o póster:
“Bioaccessibility of bisphenol A diglycidyl ether (BADGE) using a semi-dynamic in vitro protocol: Influence of amino acids”
Aplicando o protocolo INFOGEST semidinámico, avaliouse como o pH gástrico e certos aminoácidos presentes en alimentos enlatados inflúen na bioaccesibilidade de BADGE, composto derivado de resinas epoxi.

👨🏻‍🔬 Carlos Vivanco Gil presentou o póster:
“Comprehensive analysis of volatile compounds in PHA-based materials using Purge and Trap coupled to GC-MS: A non-targeted approach”
Identificáronse compostos volátiles en materiais PHA en forma de pellets e filmes. Varios presentaban toxicidade (clase III de Cramer) e só dous están autorizados pola lexislación vixente.

📌 Estes traballos desenvolvéronse no marco dos proxectos:
🔸 MIGRABIOQUANT (PID2021-124729NB-I00)
🔸 BACFood4Expo (PID2020-114569RJ-I00)
🔸 ACHED (CNS2022-135887)
Financiados polo Ministerio de Ciencia e Innovación, AEI, FEDER e NextGenerationEU/PRTR.

5th International Congress on “Advances in the Packaging Industry”(Milan, Italy)

/in ,

A semana pasada, investigadores e investigadoras do grupo FoodChemPack participaron no 5th International Congress on “Advances in the Packaging Industry”.

👩🏽‍🔬 A doutoranda Sandra Mariño presentou o seu póster titulado
“Towards valorization and sustainable packaging. Active films enriched with cherry by-products”, onde amosou os resultados do traballo desenvolvido no marco do proxecto ValICET.

👩🏽‍🔬 A doutoranda Lara Pazos presentou o póster
“Bisphenol A diglycidyl ether behaviour during digestion: First approach using a semi-dynamic in vitro protocol”, no que aplicou metodoloxía de dixestión semidinámica dentro dos proxectos BACFood4Expo e ACHED, en colaboración co CNA-AESAN.

👨🏻‍🔬 O doutorando Carlos Vivanco participou cun póster titulado
“Safety of PBSA and PBAT for food packaging: Identification of semivolatile compounds by GC-MS”, no que se analizaron compostos semivolátiles dos materiais biodegradables PBSA e PBAT no marco do proxecto MIGRABIOQUANT, en colaboración co CNA-AESAN.

👩🏽‍🔬 A investigadora posdoutoral Antía Lestido presentou o póster
“Non-volatile compounds in PBAT food packaging material”, no que se identificaron tentativamente numerosos oligómeros. Este traballo realizouse dentro do proxecto MIGRABIOQUANT, en colaboración co laboratorio Oniris – LABERCA (Nantes, Francia).

V Encontro Galego da Mocidade Investigadora en Ciencias Farmacéuticas, (Facultade de Farmacia da Universidade de Santiago de Compostela)

/in ,

As nosas compañeiras, Lara Pazos Soto e Emma López Sanvicente, presentaron esta mañá os seus traballos sobre a influencia da matriz alimentaria na bioaccesibilidade de migrantes procedentes de materiais de envases alimentarios, e a identificación de potenciais migrantes en materiais en contacto con alimentos, respectivamente. As presentacions, tanto oral como en formato póster, tiveron lugar no V Encontro Galego da Mocidade Investigadora en Ciencias Farmacéuticas, celebrado na Facultade de Farmacia da Universidade de Santiago de Compostela.

20th Annual Workshop On Emerging High-Resolution Mass Spectrometry (Hrms) And Lc-Ms/Ms Applications In Environmental Analysis And Food Safety (Barcelona)

/in ,

Esta semana, investigadoras e investigadores do grupo FoodChemPack participaron no 20th Annual Workshop on Emerging High-Resolution Mass Spectrometry (HRMS) and LC-MS/MS Applications in Environmental Analysis and Food Safety, que tivo lugar en Barcelona.

👩🏽‍🔬 A doutoranda Lara Pazos presentou o seu póster titulado “Identification of bisphenol A diglycidyl ether derivatives after in vitro digestion process by LC-MS/MS”, no que destacou a posible interacción do BADGE durante o proceso de dixestión gastrointestinal, no marco do proxecto BACFood4Expo.

👨🏻‍🔬 O doutorando Carlos Vivanco participou cun póster titulado “Characterization of the non-volatile fraction focusing on the identification of oligomers in a PHA biopolymer packaging using LC-MS/MS”, no que se analizou o material de base biolóxica e biodegradable polihidroxialcanoato (PHA), en formato pellet e film, dentro do proxecto MIGRABIOQUANT.

👩🏽‍🔬 A investigadora posdoutoral Antía Lestido presentou unha comunicación oral titulada “Non-targeted analysis of a biodegradable bio-based food packaging material by LC-ESI-Q-Orbitrap”, na que se identificaron tentativamente numerosos oligómeros e plastificantes. Este traballo desenvolveuse no marco do proxecto MIGRABIOQUANT, en colaboración co laboratorio Oniris – LABERCA (Nantes, Francia).

Durante o evento, non só tivemos a oportunidade de difundir os nosos últimos avances, senón tamén de intercambiar valiosas opinións con investigadoras e investigadores do Grupo de Contaminantes Ambientais en Seguridade Alimentaria da Fundació per al Foment de la Investigació Sanitària i Biomèdica de la Comunitat Valenciana (FISABIO) – Saúde Pública.