📢 Nova data límite para a inscrición – SLIM 2026
¡Boas noticias! Ampliouse o prazo para a inscrición anticipada e a presentación oral de SLIM 2026.
🗓 Novo prazo: 31 de marzo de 2026
📍 Santiago de Compostela, España
📅 Datas da conferencia: 8–11 de xuño de 2026
🔗 Máis información: www.slim2026.gal
📧 Contacto: slimmeeting@slim2026.gal
O pasado mes, FoodChemPack participou no I Seminario PLASpain e na 1.ª reunión da Rede, celebrada na Universidade de La Rioja os días 11 e 12 de decembro.
Esta reunión supuxo o primeiro encontro presencial conxunto dos grupos nacionais que integran a Rede e que desenvolven investigación en aplicacións de plasma atmosférico frío en biomedicina e agroalimentación. O seminario cumpriu os obxectivos estratéxicos definidos na memoria de actuación: presentación de capacidades, coordinación científica e identificación de sinerxias reais entre os grupos participantes.
A apertura e coordinación do encontro correron a cargo da Universidade de La Rioja, a través do grupo P2ML, coa presentación da estrutura, misión e obxectivos de PLASpain, e cunha visión transversal das aplicacións do plasma (plasma directo, líquidos tratados con plasma e recubrimentos funcionais), así como dos principais retos comúns en seguridade, regulación, reproducibilidade e escalado.
No ámbito biomédico, o CIBIR (Unidade de Microbioloxía Molecular, MICB) presentou resultados sobre a actividade antibacteriana e antibiofilm do plasma e das augas activadas con plasma, mentres que PlasmaMedLab (UPC) presentou avances nos líquidos e hidroxeles tratados con plasma como plataformas biomédicas para a rexeneración tisular e modelos preclínicos de cancro.
No ámbito agroalimentario, o grupo NEWTEC (Universidad de León) abordou a aplicación do plasma atmosférico no relativo a seguridade alimentaria, a inactivación microbiana e a valorización dos subprodutos. O IATA‑CSIC presentou tecnoloxías de plasma orientadas á inocuidade e á tecno-funcionalidade dos alimentos, o IRTA (Programa de Postcosecha) mostrou sistemas alternativos a tratamentos químicos para o control de microorganismos en froitas e hortalizas e para a xestión sostible da auga. O grupo FoodChemPack (Universidade de Santiago de Compostela) analizou a seguridade química asociada a materiais en contacto con alimentos e a tratamentos con plasma, con especial atención aos estudos de migración, NIAS e avaliación do risco.
No ámbito da física do plasma e as tecnoloxías habilitadoras, o ICMS‑CSIC (Universidad de Sevilla) presentou o deseño e a caracterización dos reactores de plasma a presión atmosférica e a súa aplicación en tratamentos de materiais e procesos de plasma‑catálisis, mentres que a Universidade de Córdoba (grupo FQM‑136) presentou avances en diagnoses OES de plasmas fríos, interacción plasma‑líquido e reactores de microondas para o tratamento da auga.
O seminario concluíu destacando o seu valor como punto de partida para unha colaboración estructurada e estable entre os grupos participantes. Confirmouse a continuidade das actividades da Rede mediante estancias de mobilidade, reunións de seguimento e a organización do II Seminario PLASpain.
O I Seminario PLASpain desenvolveuse no marco da actuación RED2024153647‑T, financiada por MICIU/AEI/10.13039/501100011033, consolidando a PLASpain como plataforma nacional de referencia para a coordinación e o impulso da investigación en plasma frío aplicada a sectores estratéxicos.
The 12th Shelf Life International Meeting (SLIM 2026) will be held from June 8–11, 2026 in Santiago de Compostela, Spain, at the University of Santiago de Compostela.
🌍 An international forum to discuss the latest research and innovations in food shelf life, packaging, sustainability, and safety.
🔬 Key topics:
🗓 Abstract deadlines:
✍️ Oral presentations: Feb 28, 2026
📌 Poster presentations: Apr 30, 2026
🔗 More information: www.slim2026.gal
📧 Contact: slimmeeting@slim2026.gal
A semana pasada, o grupo de investigación FoodChemPack da USC participou no 8th International Symposium on Food Packaging, celebrado do 1 ao 4 de abril en 📍Dubrovnik, Croacia.
Este congreso, organizado por ILSI Europe, é recoñecido internacionalmente como un foro científico que reúne investigadores, axencias reguladoras e industria para discutir e compartir os últimos avances no ámbito dos materiais en contacto con alimentos, seguridade química, sustentabilidade e tecnoloxías emerxentes.
👩🏻🔬 Ana Rodríguez Bernaldo de Quirós presentou o póster:
“Non-targeted LC-HRMS analysis and in vitro bioassays: An approach to evaluate the safety of food contact bioplastics”
Combináronse técnicas analíticas non dirixidas con bioensaios celulares para avaliar bioplásticos de uso alimentario, detectándose oligómeros e efectos adversos como citotoxicidade, estrés oxidativo e actividade estroxénica.
👩🏻🔬 Letricia Barbosa Pereira presentou o póster:
“Preliminary study employing a semi-dynamic in vitro digestion protocol to evaluate the bioaccessibility of contaminants in canned food”
Avaliouse a bioaccesibilidade de BADGE en atún enlatado en aceite de oliva. Os resultados mostraron que o uso de protocolos dinámicos proporciona unha estimación máis precisa da exposición.
👩🏻🔬 Antía Lestido Cardama presentou a comunicación oral:
“LC-Orbitrap-MS/MS and GC-Orbitrap-MS: powerful analytical tools to explore the chemical composition of PEF food packaging materials”
Identificáronse tentativamente compostos non volátiles e semi-volátiles presentes en materiais de PEF mediante espectrometría de masas de alta resolución.
👩🏻🔬 Lara Pazos Soto presentou o póster:
“Bioaccessibility of bisphenol A diglycidyl ether (BADGE) using a semi-dynamic in vitro protocol: Influence of amino acids”
Aplicando o protocolo INFOGEST semidinámico, avaliouse como o pH gástrico e certos aminoácidos presentes en alimentos enlatados inflúen na bioaccesibilidade de BADGE, composto derivado de resinas epoxi.
👨🏻🔬 Carlos Vivanco Gil presentou o póster:
“Comprehensive analysis of volatile compounds in PHA-based materials using Purge and Trap coupled to GC-MS: A non-targeted approach”
Identificáronse compostos volátiles en materiais PHA en forma de pellets e filmes. Varios presentaban toxicidade (clase III de Cramer) e só dous están autorizados pola lexislación vixente.
📌 Estes traballos desenvolvéronse no marco dos proxectos:
🔸 MIGRABIOQUANT (PID2021-124729NB-I00)
🔸 BACFood4Expo (PID2020-114569RJ-I00)
🔸 ACHED (CNS2022-135887)
Financiados polo Ministerio de Ciencia e Innovación, AEI, FEDER e NextGenerationEU/PRTR.
A semana pasada, investigadores e investigadoras do grupo FoodChemPack participaron no 5th International Congress on “Advances in the Packaging Industry”.
👩🏽🔬 A doutoranda Sandra Mariño presentou o seu póster titulado
“Towards valorization and sustainable packaging. Active films enriched with cherry by-products”, onde amosou os resultados do traballo desenvolvido no marco do proxecto ValICET.
👩🏽🔬 A doutoranda Lara Pazos presentou o póster
“Bisphenol A diglycidyl ether behaviour during digestion: First approach using a semi-dynamic in vitro protocol”, no que aplicou metodoloxía de dixestión semidinámica dentro dos proxectos BACFood4Expo e ACHED, en colaboración co CNA-AESAN.
👨🏻🔬 O doutorando Carlos Vivanco participou cun póster titulado
“Safety of PBSA and PBAT for food packaging: Identification of semivolatile compounds by GC-MS”, no que se analizaron compostos semivolátiles dos materiais biodegradables PBSA e PBAT no marco do proxecto MIGRABIOQUANT, en colaboración co CNA-AESAN.
👩🏽🔬 A investigadora posdoutoral Antía Lestido presentou o póster
“Non-volatile compounds in PBAT food packaging material”, no que se identificaron tentativamente numerosos oligómeros. Este traballo realizouse dentro do proxecto MIGRABIOQUANT, en colaboración co laboratorio Oniris – LABERCA (Nantes, Francia).
