Xornada en Innovación e Sustentabilidade na Cadea Agroalimentaria: Retos e Oportunidades desde a Ciencia
O grupo de investigación FoodChemPack da Facultade de Farmacia organiza unha Xornada de Divulgación Científica centrada na innovación e na sustentabilidade na cadea agroalimentaria, así como na seguridade dos materiais en contacto cos alimentos.
O obxectivo desta xornada é achegar o coñecemento científico á sociedade, fomentar o diálogo entre o ámbito académico e o sector produtivo, e poñer en valor iniciativas que promovan unha alimentación máis segura, sustentable e eficiente.
O evento terá lugar o próximo 22 de xullo no Salón de Graos da Facultade de Farmacia.
As persoas interesadas en asistir poden inscribirse no seguinte formulario, ao que poden acceder a través desta ligazón.
